లుంగీ ధరించి, వేషం మార్చి... లంచగొండిని పట్టుకున్న అనిశా డీఎస్పీ!

- అనిశాకు అడ్డంగా దొరికిన డీఎంఎఫ్ అధికారి

ఆదిలాబాద్ జిల్లాలో అవినీతి నిరోధక శాఖ (ఏసీబీ) అధికారులు థ్రిల్లింగ్ స్టైల్లో సోదాలు నిర్వహించి, ఓ అవినీతి అధికారిని రెడ్ హ్యాండెడ్‌గా పట్టుకున్నారు. మారువేషంలో వచ్చిన ఏసీబీ డీఎస్పీ తన చాకచక్యంతో డీఎంఎఫ్ అధికారి లంచం తీసుకునే క్షణంలోనే పట్టేసాడు. ఈ ఊహించని పరిణామంతో అవినీతి అధికారి ఒక్కసారిగా షాక్ అయ్యాడు.

అసలేం జరిగిందంటే?

అబార్షన్‌కు మందులు సరఫరా చేసిన కేసులో ఓ మెడికల్ షాప్ యజమాని నుంచి రూ.30,000 లంచం డిమాండ్ చేశాడు డిస్టిక్ ఎక్స్టెన్షన్ మీడియా ఆఫీసర్ (డీఎంఎఫ్) రవిశంకర్. బాధితుడు ఈ విషయాన్ని ఏసీబీ అధికారులకు ఫిర్యాదు చేశాడు. ఫిర్యాదును పరిగణనలోకి తీసుకున్న ఏసీబీ అధికారులు పూర్తిగా ప్రణాళికాబద్ధంగా ముందుకు వెళ్లారు.

మార్చి 28న ఆదిలాబాద్ డీఎం అండ్ హెచ్ఓ కార్యాలయంలో ఏసీబీ డీఎస్పీ అనిశా లుంగీ ధరించి, సాధారణ వ్యక్తిగా మారువేషం ధరించి ప్రవేశించాడు. మెడికల్ షాప్ యజమాని నుంచి లంచం తీసుకునే సమయంలో డీఎంఎఫ్ అధికారి రవిశంకర్‌ను చాకచక్యంగా రెడ్ హ్యాండెడ్‌గా పట్టుకున్నారు. దీనితో అక్కడే ఉన్న అధికారులు, సిబ్బంది అవాక్కయ్యారు.

అధికారిపై కేసు నమోదు

ఈ ఘటనపై ఏసీబీ అధికారులు రవిశంకర్‌పై అవినీతి నిరోధక చట్టం కింద కేసు నమోదు చేసి అదుపులోకి తీసుకున్నారు. మరిన్ని వివరాలు తెలియాల్సి ఉంది. అయితే, ఏసీబీ అధికారుల ఈ నూతన వ్యూహం ప్రస్తుతం జిల్లాలో హాట్ టాపిక్‌గా మారింది. అవినీతిపరులకు ఇది గట్టి హెచ్చరికగా మారనుంది.