కరీంనగర్‌లో గంజాయి రవాణా – ముగ్గురు అరెస్ట్
కరీంనగర్‌లో గంజాయి రవాణా చేస్తున్న ముగ్గురిని పోలీసులు అరెస్ట్ చేశారు. అంబేద్కర్ స్టేడియం వద్ద వన్‌టౌన్ పోలీస్ స్టేషన్ సీఐ కోటేశ్వర్ నేతృత్వంలో పోలీసులు వాహన తనిఖీలు నిర్వహిస్తుండగా, అనుమానాస్పదంగా ఉన్న ఓ వ్యక్తిని ఆపి తనిఖీ చేశారు. అతని వద్ద ఉన్న బ్యాగులో 1 కిలో 180 గ్రాముల ఎండు గంజాయి లభ్యమైంది.
దీంతో పోలీసులు అతడిని విచారించగా, అతనితో పాటు బీహార్‌కు చెందిన మరో ఇద్దరు వ్యక్తులు కూడా ఈ రవాణాలో పాల్గొన్నట్లు గుర్తించారు. నిందితులను గుర్తించి అదుపులోకి తీసుకున్నారు. అరెస్ట్ అయిన వారిలో నీరజ్ కుమార్ (సుపౌల్), దిలేందర్ కుమార్ ఉన్నారు.
పోలీసులు ముగ్గురిపై మాదకద్రవ్యాల నియంత్రణ చట్టం కింద కేసు నమోదు చేసి, రిమాండ్‌కు తరలించారు. నిషేధిత మాదకద్రవ్యాల రవాణాపై పోలీసులు కఠినంగా వ్యవహరిస్తామని, ఇలాంటి అక్రమ చట్టవ్యతిరేక కార్యకలాపాలకు పాల్పడే వారిపై కఠిన చర్యలు తీసుకుంటామని అధికారుల హెచ్చరిక చేశారు.
స్థానిక ప్రజలు ఈ రవాణా గుట్టురట్టు కావడంతో పోలీసుల చర్యను అభినందిస్తున్నారు. గంజాయి వంటి మాదకద్రవ్యాల అక్రమ రవాణాపై మరింత కఠినంగా వ్యవహరించాలని ప్రజలు కోరుతున్నారు.
Post a Comment