మ. 1 నుండి సా. 4 వరకు డిజిటల్ సేవలకు అంతరాయం

 

ఎస్.బి.ఐ. వినియోగదారులకు అలర్ట్!మ. 1 నుండి సా. 4 వరకు డిజిటల్ సేవలకు అంతరాయం

భారతదేశపు అతిపెద్ద బ్యాంకింగ్ సంస్థ స్టేట్ బ్యాంక్ ఆఫ్ ఇండియా (SBI) తన వినియోగదారులకు కీలకమైన హెచ్చరికను జారీ చేసింది. కొత్త ఆర్థిక సంవత్సర ప్రారంభం నేపథ్యంలో, బ్యాంక్ తన డిజిటల్ సేవలకు తాత్కాలికంగా అంతరాయం ఏర్పడనున్నట్లు ప్రకటించింది.

మధ్యాహ్నం 1 గంట నుండి సాయంత్రం 4 గంటల వరకు డిజిటల్ సేవలు నిలిపివేత

SBI తెలిపిన ప్రకారం, ఏప్రిల్ 1న మధ్యాహ్నం ఒంటి గంట నుంచి సాయంత్రం నాలుగు గంటల వరకు బ్యాంక్ డిజిటల్ సేవలు అందుబాటులో ఉండవు. దీని కారణంగా నెట్ బ్యాంకింగ్, యూపీఐ (UPI), SBI యోనో (YONO) యాప్, IMPS వంటి ఆన్‌లైన్ లావాదేవీలు నిరవధికంగా నిలిచిపోవచ్చు.

వినియోగదారులకు ప్రత్యామ్నాయ సూచనలు

ఈ సేవల నిలిపివేత వల్ల వినియోగదారులకు ఇబ్బందులు కలగకుండా ఉండేందుకు, బ్యాంక్ కొన్ని ప్రత్యామ్నాయ మార్గాలను సూచించింది. ముఖ్యంగా, UPI LITE లేదా ATM సేవలను ఉపయోగించి లావాదేవీలను కొనసాగించవచ్చని సూచించింది.

అసౌకర్యంపై బ్యాంక్ విచారం

ఈ తాత్కాలిక అంతరాయానికి సంబంధించి, వినియోగదారులకు అసౌకర్యం కలిగినందుకు బ్యాంక్ తన విచారాన్ని వ్యక్తం చేసింది. డిజిటల్ సేవలు తిరిగి సాధారణ స్థితికి వచ్చాక, కస్టమర్లు మునపటిలాగే సేవలను వినియోగించుకోవచ్చని బ్యాంక్ తెలిపింది.

వినియోగదారులు తమ అవసరాలను ముందుగానే అంచనా వేసుకుని, సకాలంలో లావాదేవీలు పూర్తి చేసుకోవాలని బ్యాంక్ సూచించింది.