కొమురవెల్లి మల్లన్న దేవస్థానం ఆదాయం రూ.45 కోట్లు దాటింది!

సిద్ధిపేట జిల్లా కొమురవెల్లిలోని ప్రసిద్ధ మల్లికార్జున స్వామి దేవస్థానం 2024-25 ఆర్థిక సంవత్సరంలో రికార్డు స్థాయిలో రూ. 45.81 కోట్ల ఆదాయాన్ని సాధించింది. ఆలయ ఈవో అన్నపూర్ణ ఆదివారం ఈ వివరాలను మీడియాతో పంచుకున్నారు.

ఆలయానికి వచ్చిన ఆదాయ వివరాలు:

ఈ సంవత్సరంలో వివిధ మార్గాల ద్వారా వచ్చిన ఆదాయం ఇలా ఉంది:

టికెట్లు, సేవలు ద్వారా – రూ. 8.39 కోట్లు
ప్రసాదాల విక్రయాలు – రూ. 6.31 కోట్లు
హుండీ లెక్కింపు – రూ. 7.59 కోట్లు
పెట్టుబడుల ద్వారా – రూ. 12.51 కోట్లు
వడ్డీలు – రూ. 92.25 లక్షలు
లీజ్, లైసెన్సుల ద్వారా – రూ. 2.88 కోట్లు
అన్నదానానికి వచ్చిన విరాళాలు – రూ. 25.72 లక్షలు
ఇతర ఆదాయం – రూ. 81.78 లక్షలు
అడ్జెస్ట్మెంట్స్ – రూ. 63.30 లక్షలు
ప్రారంభ నిల్వ – రూ. 55.60 లక్షలు
బ్యాంకు బ్యాలెన్స్ – రూ. 5.03 కోట్లు

ఈ మొత్తాన్ని కలిపి మొత్తం ఆదాయం రూ. 45.81 కోట్లకు చేరుకుందని ఈవో తెలిపారు.

వ్యయ వివరాలు:

ఆలయ నిర్వహణకు జరిగిన ఖర్చులు కూడా వివరిస్తూ, ఈవో అన్నపూర్ణ ఇలా వెల్లడించారు:

ఉత్సవాల నిర్వహణకు – రూ. 95.78 లక్షలు
ప్రసాదాల తయారీకి – రూ. 4.08 కోట్లు
ఎస్టాబ్లిష్మెంట్ చార్జీలు – రూ. 5.72 కోట్లు
స్ట్యాటుటరీ చెల్లింపులు – రూ. 3.18 కోట్లు
అడ్జెస్ట్మెంట్లు – రూ. 12.77 కోట్లు
ఇతర ఖర్చులు – రూ. 74.72 లక్షలు
అన్నదానం – రూ. 36.10 లక్షలు
జాతర నిర్వహణ – రూ. 94.89 లక్షలు
వేతనాలు – రూ. 1.61 కోట్లు
నిర్మాణ పనులకు – రూ. 5.69 కోట్లు
శానిటేషన్ కోసం – రూ. 1.03 కోట్లు

ముగింపు నిల్వలు:

ముగింపు నగదు నిల్వ – రూ. 15.10 లక్షలు
బ్యాంక్ బ్యాలెన్స్ – రూ. 7.02 కోట్లు

నికర ఆదాయం:

గత సంవత్సరం నికర ఆదాయం రూ. 18.74 కోట్లు కాగా, ఈ సంవత్సరంలో అది రూ. 20.98 కోట్లకు పెరిగింది. అంటే గత ఏడాదితో పోలిస్తే రూ. 2.23 కోట్ల మేర ఆదాయం పెరిగినట్టు అధికారులు తెలిపారు. ఈవో అన్నపూర్ణ మాట్లాడుతూ, మల్లన్న స్వామిపై భక్తుల విశ్వాసం, ఆలయ అభివృద్ధికి ప్రభుత్వం చేస్తున్న సహకారం వల్ల ఆదాయం ఇంతగా పెరిగిందని అభిప్రాయపడ్డారు. ఆలయానికి మరింత నాణ్యతతో సేవలు అందించేందుకు కార్యాచరణ రూపొందిస్తున్నట్టు తెలిపారు.