ట్రంప్ పన్నుల లొల్లి... చైనా భారీ ప్రతీకారం

అమెరికా అధ్యక్షుడు డొనాల్డ్ ట్రంప్ మరోసారి ప్రపంచ వాణిజ్య వ్యవస్థలో కలకలం రేపే నిర్ణయం తీసుకున్నారు. ప్రపంచ దేశాలపై తానేలా నిర్ణయించుకున్న retaliatory tariffs (ప్రతీకార సుంకాలు) విధిస్తూ, ప్రధానంగా చైనాపై తీవ్రంగా గురిపెట్టారు. తాజా చర్యల్లో భాగంగా చైనా నుండి దిగుమతి అయ్యే ఉత్పత్తులపై ఏకంగా 104 శాతం సుంకం విధించామని వాషింగ్టన్ ప్రకటించింది.

అమెరికా చర్యలకు కౌంటర్‌గా

ట్రంప్ చర్యలకు బదులుగా, చైనా ప్రభుత్వం అమెరికా నుండి దిగుమతి అయ్యే పలు ముఖ్య ఉత్పత్తులపై 84 శాతం సుంకం విధించనున్నట్లు బీజింగ్ అధికార వర్గాలు వెల్లడించాయి. ఇది రెండు దేశాల మధ్య వాణిజ్య యుద్ధానికి దారితీయవచ్చని విశ్లేషకులు హెచ్చరిస్తున్నారు.

చర్చలకు ఆసక్తి చూపిన దేశాలు

అమెరికా విధించిన సుంకాలపై అనేక దేశాలు వాణిజ్య సమరాన్ని నివారించేందుకు చర్చలకు ముందుకొస్తున్నాయి. కానీ ట్రంప్ మాత్రం తన చర్యలను సమర్థించుకుంటూ, అమెరికా స్వదేశీ పరిశ్రమల రక్షణకోసమే ఈ నిర్ణయం తీసుకున్నట్లు స్పష్టం చేశారు.

ప్రతీకార వాణిజ్య విధానాలు

దీనితో చైనా కూడా అమెరికాపై ఆర్ధికంగా ప్రతీకారం తీర్చుకునేందుకు సిద్ధమైంది. ముఖ్యంగా వ్యవసాయ ఉత్పత్తులు, టెక్నాలజీ సామగ్రిపై ఈ సుంకాలు విధించే అవకాశం ఉన్నట్లు సమాచారం. ఈ చర్యలు రెండు దేశాల మధ్య వాణిజ్య సంబంధాలను మరింత తీవ్రతరం చేయవచ్చని అంచనా.

ఈ పరిణామాలు ప్రపంచ ఆర్థిక వ్యవస్థపై ప్రభావం చూపవచ్చని నిపుణులు సూచిస్తున్నారు. వచ్చే రోజుల్లో ఈ పన్నుల పోరు ఎటు పోతుందన్నది ఆసక్తికరంగా మారింది.